مقادير العجين:
دقيق القمح مغربل انا درت جوج زلايف متوسطين
- كاس كبير فورص- مليحة - ملعقة كبيرة زيت - ملعقة صغيرة سكر + ملعقة كبيرة خميرة كنخلطهم بوحدهم مع الماء الدافئ ونغطيهم 5دقايق
مقادير الحشوة :
-حبة فلفل حمراء مقطعة مربعات صغيرة
-حبة فلفل خضراءمقطعة مربعات صغيرة
-بصلة متوسطة مشلضة
-صدر لاداند مقطع مربعات صغيرة
-حبة جزر مبشورة رقيقة
-ملح /ابزار/فلفل احمر حلو (بابريكا)/ملعقة كبيرة صلصة لصويا/زعتر
-زيت زيتون
الطريقة :
كنجمعو مكونات العجين مع الخميرة وندلكو مزيان حتا ترطاب لعجينة وتتجمع مزيان ونخليوها تخمر بين ما وجدنا الحشوة ديالها
كنديرو جميع مقادير الحشوة في قدر على النار تتشحر بزيت الزيتون ونحركو مرة مرة حتا تنحجم ويدبالو المكونات ونطفيو عليها تبرد
من بعد ما يخمر العجين نكرصوه بالزيت او بالدقيق ونرقو العجين مزيان ونوضعو الحشوة ونسدو عليها ونكرصوها ونوضعوها طيب في مقلات